പേരാമ്പ്ര: ക്ഷേത്രോത്സവത്തിനിടെ കളഞ്ഞുകിട്ടിയ സ്വര്‍ണാഭരണം ഉടമയ്ക്ക് തിരിച്ചേല്‍പ്പിച്ച് സെക്യൂരിറ്റി ജീവനക്കാരന്‍ മാതൃകയായി. പേരാമ്പ്ര എളമാരംകുളങ്ങര ക്ഷേത്രോത്സവത്തിനിടെ കളഞ്ഞുകിട്ടിയ രണ്ട് പവന്‍ സ്വര്‍ണാഭരണമാണ് അമ്പല നടയിലെ സെക്യൂരിറ്റി ജീവനക്കാരന്‍ കരിമ്പാലന്‍ കണ്ടി ശങ്കരന്‍ ഉടമയ്ക്ക് നല്‍കിയത്. അമ്പല നടയിലെ വ്യാപാരികളുടെ സംഘടനയായ 'സോമ' ശങ്കരനെ അഭിനന്ദിച്ചു .ചടങ്ങില്‍ ചെയര്‍മാന്‍ എന്‍.പി വിധു സ്വര്‍ണാഭരണം ഉടമ അമ്പലനട വിദ്യാര്‍ഥിനിയ്ക്ക് കൈമാറി. സി.ടി സത്യന്‍, രഞ്ജിത്ത് മാണിക്കോത്ത്, ബൈജു, അജയകൃഷ്ണന്‍, ബഷീര്‍, ഷിനോജ്, എ.സി അസൈനാര്‍ സംസാരിച്ചു.