കോടഞ്ചേരി: നൂറാംതോട് എ.എം.എല്‍.പി സ്‌കൂള്‍ 38ാം വാര്‍ഷികം ആഘോഷിച്ചു. പഞ്ചായത്ത് വൈസ് പ്രസിഡന്റ് തമ്പി പറകണ്ടത്തില്‍ ഉദ്ഘാടനം ചെയ്തു.
മുന്‍ എം.എല്‍.എ സി. മോയിന്‍കുട്ടിയുടെ പ്രാദേശിക വികസന ഫണ്ടില്‍നിന്നു അനുവദിച്ച സ്മാര്‍ട് ക്ലാസ് റൂം പദ്ധതിയുടെ ഉദ്ഘാടനവും നടത്തി.
സ്‌കൂളില്‍ മുപ്പതുവര്‍ഷം സേവനമനുഷ്ടിച്ച് പ്രധാനാധ്യാപകനായി പിരിയുന്ന വി.ജെ ജോസ് മാസ്റ്ററെ ചടങ്ങില്‍ എ.ഇ.ഒ മജീദ് ഉപഹാരം നല്‍കി ആദരിച്ചു. വിദ്യാഭ്യാസ സ്ഥിരം സമിതി അധ്യക്ഷ ടെസി ഷാബു, ക്ഷേമകാര്യ സ്ഥിരം സമിതി അധ്യക്ഷന്‍ കെ.എം ബഷീര്‍, ബ്ലോക്ക് മെംബര്‍ ഒതയോത്ത് അഷ്‌റഫ്, കുമാരന്‍ കരിമ്പില്‍, മാനേജര്‍ സി. ആലി ഹസന്‍, വി. നഫീസ, പി.ടി.എ പ്രസിഡന്റ് ഷമീര്‍ എ.കെ, സജി തോട്ടത്തില്‍, പി.എം നാസര്‍ സംസാരിച്ചു.