ഹരിപ്പാട്: എന്‍ജിനീയറിങ് എന്‍ട്രന്‍സ് പരീക്ഷയില്‍ 51 റാങ്ക് ഹരിപ്പാട് സ്വദേശി വിനായക് കൃഷ്ണപ്രസാദിന്.
അമൃത വിദ്യാലയത്തില്‍ പ്ലസ് ടു പഠനം പൂര്‍ത്തിയാക്കിയ ശേഷം പാലായിലെ സ്വകാര്യ സ്ഥാപനത്തിലെ പരിശീലനത്തിന് ശേഷമാണ് പ്രവേശന പരീക്ഷ എഴുതിയതെന്നും, റാങ്ക് പ്രതീക്ഷിച്ചിരുന്നില്ലെന്നും വിനായക് പറഞ്ഞു.
സി.ബി.എസ്.സി പത്താം ക്ലാസില്‍ എല്ലാ വിഷയത്തിനും എ വണ്‍ നേടിയിരുന്നു.പ്ലസ് ടുവിന് 93. 4 ശതമാനം മാര്‍ക്കും നേടി. മെക്കാനിക്കല്‍ എന്‍ജിനീയറിംഗിനു പോകാനാണ് താത്പര്യം.
സഹോദരി മാളവിക ഒന്നാം വര്‍ഷ എം.ബി.ബി.എസ് വിദ്യാര്‍ഥിയാണ്. ദന്തല്‍ സര്‍ജന്‍മാരായ പ്രസാദിന്റേയും, സിന്ധുവിന്റെയും മകനാണ്.