കുന്ദമംഗലം: പതിമംഗലം അല്‍ ജൗഹര്‍ പബ്ലിക് സ്‌കൂളില്‍ (ഇംഗ്ലീഷ് മീഡിയം) സ്‌നേഹപൂര്‍വം സുപ്രഭാതം പദ്ധതി ആരംഭിച്ചു. പതിമംഗലത്തെ വ്യാപാരികള്‍ സ്‌പോണ്‍സര്‍ ചെയ്ത പത്രം വ്യാപാരികളുടെ പ്രതിനിധി തോട്ടത്തില്‍ അബ്ദുല്‍ അസീസ് വിദ്യാര്‍ഥി പ്രതിനിധി മുഹമ്മദ് റിസ്‌വാന് നല്‍കി ഉദ്ഘാടനം ചെയ്തു. പ്രിന്‍സിപ്പല്‍ എം.പി ഷീന അധ്യക്ഷയായി. സുപ്രഭാതം സര്‍ക്കുലേഷന്‍ മാനേജര്‍ ഭാസ്‌ക്കരന്‍ ചേലേമ്പ്ര സംസാരിച്ചു. എ.ടി അഹമ്മദ് കുട്ടി, ടി സുനീര്‍ അഹമ്മദ്, എ.സി മുഹമ്മദ്, എം.പി ഷഫീല്‍, സുപ്രഭാതം ഓര്‍ഗനൈസര്‍ ഷമീര്‍ കോണോട്ട് സംബന്ധിച്ചു.