കൊച്ചി:  പതിനഞ്ചാമത് കെ.പിഹോര്‍മിസ് അനുസ്മരണ പ്രഭാഷണം കേന്ദ്രസര്‍ക്കാരിന്റെ മുഖ്യസാമ്പത്തിക ഉപദേഷ്ടാവ് അരവിന്ദ് സുബ്രഹ്മണ്യന്‍ നടത്തും. മാര്‍ച്ച് 13ന് വൈകിട്ട്്്  ആറുമണിക്ക് കൊച്ചിലേ മെറിഡിയന്‍ കണ്‍വന്‍ഷന്‍ സെന്ററിലാണ് പരിപാടി.
'ഇന്ത്യന്‍ സമ്പദ്‌വ്യവസ്ഥയുടെ വിസ്മയങ്ങള്‍' എന്ന വിഷയത്തിലാണ് അദ്ദേഹം പ്രഭാഷണം നടത്തുക. ഫെഡറല്‍ ബാങ്ക് ചെയര്‍മാന്‍ കെ.എം  ചന്ദ്രശേഖര്‍, എം.ഡിയും സി.ഇ.ഒയുമായ ശ്യാം ശ്രീനിവാസന്‍ എിവരും പരിപാടിയില്‍ പങ്കെടുക്കും.
ഫെഡറല്‍ ബാങ്കിന്റെ സ്ഥാപകനായ കെ.പി ഹോര്‍മിസിന്റെ അനുസ്മരണാര്‍ഥം ബാങ്കിന്റെ സി.എസ്.ആര്‍ സംരംഭമായ ഫെഡറല്‍ ബാങ്ക് ഹോര്‍മിസ് സ്മാരക ഫൗണ്ടേഷന്‍ 1996 മുതല്‍ സംഘടിപ്പിച്ചു വരുന്ന വാര്‍ഷികപ്രഭാഷണ പരിപാടിയാണ് കെ.പി ഹോര്‍മിസ് അനുസ്മരണ പ്രഭാഷണം.