ന്യൂഡല്‍ഹി: ഡല്‍ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ ശുചിമുറിയില്‍ മൂന്നുകോടിയുടെ സ്വര്‍ണം ഉപേക്ഷിച്ച നിലയില്‍ കണ്ടെത്തി. 

ഒരുകിലോ തൂക്കംവരുന്ന ഒന്‍പത് സ്വര്‍ണക്കട്ടികളാണ് സി.ഐ.എസ്.എഫിന്റെ നേതൃത്വത്തിലുള്ള സംഘം ഇന്നലെ കണ്ടെത്തിയത്. എന്നാല്‍ ഇതിനു പിന്നില്‍ ആരാണെന്ന് അറിയാനായിട്ടില്ല.
വിമാനത്താവളത്തിലെ ശുചിമുറിയില്‍ ഒരു ലാപ്‌ടോപ്പ് ബാഗ് ആരോ ഉപേക്ഷിച്ചിട്ടുണ്ടെന്ന വിവരത്തിന്റെ അടിസ്ഥാനത്തില്‍ നടത്തിയ തിരച്ചിലിലാണ് സ്വര്‍ണം കണ്ടെത്താനായത്. കസ്റ്റംസ് പരിശോധനയില്‍ പിടിക്കപ്പെടുമെന്ന് കരുതി ഉപേക്ഷിച്ചതായിരിക്കാമെന്ന് എയര്‍പോര്‍ട്ട് അധികൃതര്‍ പറഞ്ഞു.
സിസി.ടി.വി ദൃശ്യങ്ങള്‍ പരിശോധിച്ച ശേഷം സ്വര്‍ണം ഉപേക്ഷിച്ചയാളെ കണ്ടെത്തുമെന്ന് അധികൃതര്‍ വ്യക്തമാക്കി.