ഇടവേളയ്ക്ക് ശേഷം മനോഹരമായി കളിക്കുന്ന ഒരു ലിവര്‍പൂള്‍ കാലത്തിനാണ് ഫുട്‌ബോള്‍ പ്രേമികള്‍ സാക്ഷ്യം വഹിക്കുന്നത്. സമീപ കാലത്ത് ലിവര്‍പൂള്‍ സംഭാവന ചെയ്ത ഏറ്റവും മികച്ച സംഘമെന്ന് ഈ ടീമിനെ വിശേഷിപ്പിക്കാം. ദി റെഡ്‌സിന്റെ സുവര്‍ണ തലമുറ. കടുത്ത ആക്രമണത്തിലൂടെ എതിരാളിയുടെ മനോവീര്യം തകര്‍ക്കുന്ന തരത്തില്‍ തന്ത്രം മെനയുന്ന യുര്‍ഗന്‍ ക്ലോപിന്റെ അസാമാന്യം മിടുക്കും ഒപ്പം ചേര്‍ന്നപ്പോള്‍ അവര്‍ 11 വര്‍ഷത്തെ ഇടവേളയ്ക്ക് ശേഷം ചാംപ്യന്‍സ് ലീഗിന്റെ ഫൈനലിലേക്ക് പ്രവേശിച്ചു.
2007ലാണ് അവര്‍ അവസാനമായി ചാംപ്യന്‍സ് ലീഗിന്റെ ഫൈനല്‍ കളിച്ചത്. അതിനും രണ്ട് വര്‍ഷം മുന്‍പാണ് അവര്‍ അവസാനമായി കപ്പ് സ്വന്തമാക്കിയത്. ക്ലബിന്റെ ചരിത്രത്തിലെ ആറാം ചാംപ്യന്‍സ് ലീഗ് കിരീടമെന്ന ലക്ഷ്യത്തിലേക്കാണ് മെയ് 26ന് ക്ലോപും സംഘവും ഇറങ്ങുന്നത്.