ആറ്റിങ്ങല്‍: ദേശീയപാതയില്‍ കിഴക്കേ നാലു മുക്കില്‍ സ്ഥാപിച്ചിരുന്ന കൂറ്റന്‍ കമാനം അജ്ഞാത വാഹനമിടിച്ചു അപകടാവസ്ഥയിലായി.വെള്ളിയാഴ്ച പുലര്‍ച്ചെ രണ്ടു  മണിയോടെയായിരുന്നു സംഭവം. അന്യസംസ്ഥാനത്തു നിന്നും വാഹനങ്ങളുമായി വന്ന വലിയ കണ്ടെയ്‌നര്‍ ലോറി ഇടിച്ചാണ് കമാനത്തിനു കേടുപറ്റിയതെന്നാണ് പരിസരത്തുള്ളവര്‍ പറയുന്നത്.
വെള്ളിയാഴ്ച നടന്ന ലോട്ടറി ഓഫിസുകളുടെ ഉദ്ഘാടനത്തോടനുബന്ധിച്ചാണ് കമാനം സ്ഥാപിച്ചത്. ദേശീയ പാതയ്ക്കു കുറുകേ ഇത്തരത്തില്‍ കമാനങ്ങള്‍ സ്ഥാപിക്കുന്നതിന്  വിലക്കുള്ളതാണ്. ഇത് മറികടന്നാണ് മുഖ്യമന്ത്രിക്കും ധനമന്ത്രിക്കും സ്വാഗതമോതിയുള്ള കമാനം സ്ഥാപിച്ചത്.  അപകടാവസ്ഥയിലായതിനെ തുടര്‍ന്ന് കമാനം റോഡരികിലേക്ക് മാറ്റി.