താമരശേരി:  മുസ്‌ലിം ലീഗ് സ്ഥാപക ദിനാചരണത്തിന്റെ ഭാഗമായി താമരശേരി പഞ്ചായത്ത് മുസ്‌ലിം യൂത്ത് ലീഗ് കമ്മിറ്റിയുടെ ആഭിമുഖ്യത്തില്‍  ജനാധിപത്യ മുന്നേറ്റത്തിന്റെയും ആദര്‍ശ വിശുദ്ധിയുടെയും 69 വര്‍ഷങ്ങള്‍'എന്ന പ്രമേയത്തില്‍ നടന്ന കണ്‍വന്‍ഷന്‍ താമരശേരി ഗ്രാമ പഞ്ചായത്ത് മുന്‍ പ്രസിഡണ്ടന്റ് കെ.വി. മുഹമ്മദ് ഉദ്ഘാടനം ചെയ്തു. യൂത്ത് ലീഗ് പ്രസിഡണ്ടന്റ് സുബൈര്‍ വെഴുപ്പൂര്‍ അധ്യക്ഷനായി. നിയോജക മണ്ഡലം യൂത്ത്‌ലീഗ് പ്രസിഡണ്ടന്റ് ടി. മൊയ്തീന്‍കോയ, പഞ്ചായത്ത് ലീഗ് ജന. സെക്രട്ടറി പി.പി. ഹാഫിസ് റഹിമാന്‍, എം. സുല്‍ഫീക്കര്‍, എ.കെ. അസീസ്, പി.സി. നാസര്‍, ബാബു കുടുക്കില്‍, പി.പി. അബ്ദുറഹിമാന്‍, ഇസ്ഹാഖ് ചാലക്കര, അലി തച്ചംപൊയില്‍, കരീം താമരശ്ശേരി, എ.പി. മുഹമ്മദ്, പി.പി. അബ്ദുറഹിമാന്‍, അഷ്‌റഫ് കുടുക്കില്‍, കെ.പി. മൂസക്കുട്ടി സംസാരിച്ചു. എം.ടി. അയ്യൂബ് ഖാന്‍ സ്വാഗതവും കെ.പി. ജലീല്‍ നന്ദിയും പറഞ്ഞു.