പയ്യന്നൂര്‍: നാവിക അക്കാദമി മാലിന്യപ്ലാന്റ് കാരണം രാമന്തളിയിലെ ജനങ്ങള്‍ അനുഭവിക്കുന്ന കുടിവെള്ള പ്രശ്‌നത്തെയും ജനങ്ങളുടെ ആരോഗ്യ പ്രശ്‌നത്തെയും അധികൃതര്‍ ഗൗരവത്തോടെ കാണണമെന്നും ജനകീയ സമരങ്ങള്‍ക്ക് നേരെ കണ്ണടക്കരുതെന്നും എസ്.കെ.എസ്.എസ്.എഫ് പെരുമ്പ ക്ലസ്റ്റര്‍ കണ്‍വന്‍ഷന്‍ അഭിപ്രായപ്പെട്ടു. രാമന്തളി മര്‍ഖല്‍ ഇസ്‌ലാം മദ്‌റസയില്‍ എസ്.കെ.എസ്.ബി.വി സംസ്ഥാന ജനറല്‍ സെക്രട്ടറി അഫ്‌സല്‍ രാമന്തളി ഉദ്ഘാടനം ചെയ്തു. സയ്യിദ് മുര്‍ശിദ് തങ്ങള്‍ അധ്യക്ഷനായി. ഫരീദുറഹ്മാന്‍ പയ്യന്നൂര്‍, സുഫൈദ് തായിനേരി, മുഹമ്മദ് അഹമ്മദ് രാമന്തളി, ശസാന്‍ ശാദുലി, എം.സി റിയാസ്, സി.കെ മുഫസ്സില്‍, അബ്ദുസ്സലാം, സി.എ ഷബീര്‍ സംസാരിച്ചു.