പയ്യന്നൂര്‍: നാവിക അക്കാദമി ഗേറ്റില്‍ അനിശ്ചിതകാല സമരം നടത്തുന്ന ജനതയ്ക്ക് ആശ്വാസത്തിന്റെ തെളിനീരുമായി ഓള്‍ കേരള ഫോട്ടോഗ്രാഫേഴ്‌സ് അസോ. പയ്യന്നൂര്‍ ടൗണ്‍ യൂനിറ്റ്. മലിനജലം മൂലം കിണറുകള്‍ ഉപയോഗ ശൂന്യമായ നൂറോളം വീടുകളില്‍ എ.കെ.പി.എ ടാങ്കര്‍ ലോറി വഴി കുടിവെള്ള വിതരണം നടത്തി. ജന ആരോഗ്യ സംരക്ഷണ സമിതിയുടെ സമരപന്തലില്‍ കുടിവെള്ള വിതരണത്തിന്റെ ഉദ്ഘാടനം സംഘടന സംസ്ഥാന ജനറല്‍ സെക്രട്ടറി ദിലീഷ് കുമാര്‍ നിര്‍വഹിച്ചു. പയ്യന്നര്‍ യൂനിറ്റ് പ്രസിഡന്റ് കെ. ജയറാം അധ്യക്ഷനായി. കൃഷ്ണദാസ് മാധവി, കെ.പി രാജേന്ദ്രകുമാര്‍, കലേഷ്, മനോജ് കാര്‍ത്തിക, അഡ്വ. കുട്ടികൃഷ്ണ പൊതുവാള്‍ സംസാരിച്ചു.