കൊച്ചി:വൈ.എം.സി.എ ദേശീയസംസ്ഥാന നേതൃത്വത്തിന്റെ വികലനയങ്ങള്‍ക്കെതിരെ സൗഹൃദകൂട്ടായ്മ രൂപീകരിച്ചു.
നേതൃത്വം പ്രസ്ഥാനത്തിന്റെ ലക്ഷ്യങ്ങള്‍ക്കും ഉദ്ദേശങ്ങള്‍ക്കുമെതിരായാണ് പ്രവര്‍ത്തിക്കുന്നത്.
ഇതിനെതിരെ പ്രതികരിക്കാന്‍ തയ്യാറാകുന്ന യൂനിറ്റുകളുടെ അഫിലിയേഷന്‍ പുതുക്കിനല്‍കാതിരിക്കുക, ദേശീയസമിതിയിലേക്കെത്തുന്ന പണം മറ്റാവശ്യങ്ങള്‍ക്കുപയോഗിക്കുക തുടങ്ങി നിരവധി പരാതികള്‍ യൂനിിറ്റ് ഭാരവാഹികള്‍ക്കിടയിലുണ്ട്.
ഇവക്കെല്ലാമെതിരെ ശക്തമായി പ്രതികരിക്കുകയെന്ന ലക്ഷ്യത്തോടെയാണ് കൂട്ടായ്മക്ക് രൂപം നല്‍കിയതെന്ന് നിയുക്ത ചെയര്‍മാന്‍ ജോസ് ജി.ഉമ്മന്‍ വാര്‍ത്താസമ്മേളനത്തില്‍ പറഞ്ഞു.
വില്‍സണ്‍ കെ.മാത്യുവിനെ ജനറല്‍ സെക്രട്ടറിയായും, അലക്‌സ് നൈാന്‍, ബിജോ തട്ടില്‍, തങ്കച്ചന്‍ എന്നിവരെ വൈസ്‌ചെയര്‍മാന്‍മാരായും തിരഞ്ഞെടുത്തു.