കൊല്ലം: ഫാക്ടറീസ് ആന്റ് ബോയിലേഴ്‌സ് വകുപ്പിന്റെ നേതൃത്വത്തില്‍ കശുവണ്ടി ഫാക്ടറി ജീവനക്കാരില്‍ തൊഴില്‍ജന്യ രോഗങ്ങള്‍ നിര്‍ണയിക്കുന്നതിന് ഡോക്ടര്‍മാരുടെ നേതൃത്വത്തില്‍ മെഡിക്കല്‍ ക്യാംപ് സംഘടിപ്പിക്കും. 14ന് കൊട്ടിയം നടുവിലക്കര സതേണ്‍ കാഷ്യൂ എക്‌സ്‌പോര്‍ട്ടിലും 16ന് കൊട്ടാരക്കര ആയൂര്‍ ചെറുവക്കല്‍ ലൂര്‍ദ് മാതാ ഫാക്ടറിയിലും 17ന് കുന്നത്തൂര്‍ ഭരണിക്കാവ് ആയിക്കുന്നം സെന്റ് ജോര്‍ജ് ഇന്‍ഡസ്ട്രീസിലും 18ന് കൊട്ടാരക്കര എഴുകോണ്‍ ടേസ്റ്റി നട്ട് ഇന്‍ഡസ്ട്രീസിലും 21ന് കൊല്ലം കാരംകോട് ഭാഗ്യലക്ഷ്മി കാഷ്യൂസിലുമാണ് ക്യാംപ് നടത്തുന്നത്.