കല്‍പ്പറ്റ: മന്ത്രിസഭാ വാര്‍ഷികത്തിന്റെ ഭാഗമായി ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ കല്‍പ്പറ്റ എസ്.കെ.എം.ജെ സ്‌കൂള്‍ ഗ്രൗണ്ടില്‍ നാളെ നടക്കുന്ന 'പൊലിക 2018' പ്രദര്‍ശന മേളയുടെ ഒരുക്കങ്ങള്‍ ജില്ലാ വികസന സമിതി യോഗം വിലയിരുത്തി.
ഉദ്ഘാടനം ഏഴിനു രാവിലെ 10ന് ജില്ലയുടെ ചുമതലയുള്ള തുറമുഖ വകുപ്പ് മന്ത്രി കടന്നപ്പള്ളി രാമചന്ദ്രന്‍ നിര്‍വഹിക്കും.91 സ്റ്റാളുകളാണ് പ്രദര്‍ശന മേളയില്‍ ഒരുക്കിയിരിക്കുന്നത്. സ്റ്റാളുകള്‍ ഞായറാഴ്ച്ചക്കകം പൂര്‍ണ സജ്ജമാക്കാന്‍ ബന്ധപ്പെട്ട വകുപ്പുകള്‍ ശ്രദ്ധിക്കണമെന്ന് യോഗം നിര്‍ദേശിച്ചു.എക്‌സിബിഷന്‍ ഗ്രൗണ്ടില്‍ ഗ്രീന്‍പ്രോട്ടോകോള്‍ പാലിക്കാന്‍ എല്ലാ വകുപ്പുകളും ശ്രദ്ധിക്കണമെന്ന് യോഗം നിര്‍ദേശിച്ചു.