നരിക്കുനി: രാജ്യത്തിന്റെ പുരോഗതിയില്‍ സ്ത്രീകളുടെ പങ്ക് ഒഴിച്ച് കൂടാനാവാത്തതാണെന്ന് മുസ്‌ലിം ലീഗ് സംസ്ഥാന സെക്രട്ടറി സി.പി ചെറിയ മുഹമ്മദ് പറഞ്ഞു.
ന്യൂനപക്ഷ ദലിത് സ്ത്രീകളുടെ പുരോഗതിക്ക് നേതൃത്വം നല്‍കിയത് മുസ്‌ലിം ലീഗ് ആണ്. പെണ്‍കുട്ടികളെ സ്‌കൂളിലേക്ക് ആകര്‍ഷിക്കുന്നതിനായി സ്‌കോളര്‍ഷിപ്പ് ഉള്‍പ്പെടെയുള്ള നിരവധി മാര്‍ഗങ്ങളാണ് മുന്‍ മുഖ്യമന്ത്രി സി.എച്ച് മുഹമ്മദ് കോയയുടെ നേതൃത്വത്തില്‍ നടന്നത്. മടവൂര്‍ പഞ്ചായത്ത് യൂത്ത് ലീഗ് കമ്മിറ്റി സംഘടിപ്പിച്ച 'റുഉയാ 2018' യുവതീ സംഗമം മുട്ടാഞ്ചേരിയില്‍ ഉദ്ഘാടനം ചെുയ്യുകയായിരുന്നു അദ്ദേഹം.
റാഫി ചെരച്ചോറ അധ്യക്ഷനായി. ടി. അലിയ്യ് മാസ്റ്റര്‍ പതാക ഉയര്‍ത്തി. പി.ടി.എം ഷറഫുന്നിസ ടീച്ചര്‍, എം.എ ഗഫൂര്‍ മാസ്റ്റര്‍ എന്നിവര്‍ മുഖ്യ പ്രഭാഷണം നടത്തി. ഹാജറ കൊല്ലരുകണ്ടി, പി.കെ കുഞ്ഞാമു, വി. കെ റഷീദ് മാസ്റ്റര്‍, വി.സി റിയാസ് ഖാന്‍, കെ.ടി റഊഫ്, അഡ്വ. കെ.ടി ജാസിം, അനീസ് രാംപൊയില്‍, കെ. അബ്ദുല്‍ അസീസ് മാസ്റ്റര്‍, റിയാസ് എടത്തില്‍, ടി. കെ അബു സംസാരിച്ചു.
എ.പി യൂസുഫലി സ്വാഗതവും, മുനീര്‍ പുതുക്കുടി നന്ദിയും പറഞ്ഞു. ആദ്യ സെഷനില്‍ പി.സി ആമിന മുഹമ്മദ് അദ്ധ്യക്ഷയായി. ഹാരിസ് മടവൂര്‍, ടി. മൊയ്തീന്‍ കോയ എന്നിവര്‍ മുഖ്യപ്രഭാഷണം നടത്തി. വി.സി അബ്ദുല്‍ ഹമീദ്മാസ്റ്റര്‍, കെ.പി അബ്ദുല്‍ സലാം , പി.സി മുഹമ്മദ്, പി. അസറുദ്ധീന്‍, അബ്ദുറഹിമാന്‍ മടവൂര്‍മുക്ക്, എ.കെ ഉബൈദ് സംസാരിച്ചു. സലീന രാംപൊയില്‍ സ്വാഗതവും എം.സി. സാബിറ മൊടയാനി നന്ദിയും പറഞ്ഞു.
സമാപന സെഷനില്‍ സഫിയാ മുഹമത് അദ്ധ്യക്ഷയായി. പി. ഇസ്മായില്‍ വയനാട് മുഖ്യ പ്രഭാഷണം നടത്തി.
കെ.ടി ഹസീന സ്വാഗതവും എന്‍.സി ഫാത്തിമ മുഹമ്മദ് നന്ദിയും പറഞ്ഞു.