മുക്കം: കുന്ദമംഗലം ബി.ആര്‍.സി.യുടെ ആഭിമുഖ്യത്തില്‍ ചേന്ദമംഗല്ലൂര്‍ ജി.എം.യു.പി സ്‌കൂളില്‍ നടക്കുന്ന 'പെണ്മ ', 'കുഞ്ഞാറ്റക്കൂട്ടം' ത്രിദിന സഹവാസ ക്യാംപുകള്‍ക്ക് ഔപചാരിക തുടക്കമായി. മുക്കം നഗരസഭാ ചെയര്‍മാന്‍ വി. കുഞ്ഞന്‍ ഉദ്ഘാടനം ചെയ്തു.
കോഴിക്കോട് ഡയറ്റ് ഫാക്കല്‍റ്റി എന്‍. അബ്ദുറഹ്മാന്‍  അധ്യക്ഷനായി. ക്യാംപ് ഡയരക്ടറായ കുന്ദമംഗലം ബി.പി.ഒ എന്‍. വന്ദന സ്വാഗതം പറഞ്ഞു. എം.കെ വേണു, ബോബി ജോസഫ്, ടി.കെ ജുമാന്‍, പി.കെ മനോജ്കുമാര്‍, സുഭാഷ് പുനത്തില്‍, ശശി, ടി.കെ ജുമാന്‍, രജിത, ബഷീര്‍ സംസാരിച്ചു. ടി.പി ഷിബിലി നന്ദി പറഞ്ഞു. വിവിധ സെഷനുകളിലായി യു.പി നാസര്‍, ബിജേഷ്, ബോബി ജോസഫ് ക്ലാസുകളെടുത്തു.