വടകര: പുതുപ്പണം, കക്കട്ടി പ്രദേശത്തു സമാധാനാന്തരീക്ഷം തകര്‍ക്കുന്നവരെ ഒറ്റപ്പെടുത്തണമെന്ന് യൂത്ത് ലീഗ് വടകര മണ്ഡലം കമ്മിറ്റി ആവശ്യപ്പെട്ടു.
 പുതുപ്പണം ശാഖാ യൂത്ത് ലീഗ് സെക്രട്ടറി സി.കെ സജീറിന്റെ വീടാക്രമണം പ്രദേശത്ത് നിലനില്‍ക്കുന്ന സമാധാനാന്തരീക്ഷം തകര്‍ക്കുക എന്ന ലക്ഷ്യത്തോടെയാണ്. ഒരാഴ്ച മുന്‍പ് സമാന രീതിയിലുള്ള അക്രമം പ്രദേശത്ത് നടന്നിരുന്നു.
പ്രതികളെക്കുറിച്ചുള്ള സൂചന പൊലിസിന് ലഭിച്ചുവെങ്കിലും തുടര്‍നടപടി സ്വീകരിക്കാത്തത് പ്രതിഷേധാര്‍ഹമാണ്. ഇരുട്ടിന്റെ മറവില്‍ അക്രമം നടത്തുന്നവരെ പൊലിസ് പിടികൂടണമെന്ന് യൂത്ത് ലീഗ് ആവശ്യപ്പെട്ടു. പ്രസിഡന്റ് ഷുഹൈബ് കുന്നത്ത്, ജനറല്‍ സെക്രട്ടറി എം. ഫൈസല്‍, വാര്‍ഡ് കൗണ്‍സിലര്‍ മുസ്തഫ, കെ.സി അക്ബര്‍, പി.ടി.കെ റഫീഖ് എന്നിവര്‍ സജീര്‍ സി.കെയുടെ വീട് സന്ദര്‍ശിച്ചു.