നിലമ്പൂര്‍: സംസ്ഥാന ഉന്നത വിദ്യാഭ്യാസ വകുപ്പും പൊതുവിദ്യാഭ്യാസ വകുപ്പും സംയുക്തമായി വിദ്യാര്‍ഥികള്‍ക്കായി സംഘടിപ്പിച്ചുവരുന്ന അസാപ് പ്രൊജക്ടില്‍ സംസ്ഥാനത്ത് മികവ് തെളിയിച്ചതിന് അമല്‍ കോളജ് അസാപ് സെന്ററിന് ഫൈവ് സ്റ്റാര്‍ പുരസ്‌കാരവും ബെസ്റ്റ് സെന്റര്‍ പദവിയും ലഭിച്ചു.
ഉന്നത വിദ്യാഭ്യാസ വകുപ്പ് നടത്തുന്ന 21 ദിന കമ്മ്യൂണിക്കേറ്റിവ്  ഇംഗ്ലീഷ് ട്രെയിനര്‍ ക്യാംപ് സംഘടിപ്പിച്ചതിനാണ് അവാര്‍ഡ് ലഭിച്ചത്. തുടര്‍ച്ചയായി നാലാം തവണയാണ് അമല്‍ കോളജിന് ഫൈവ് സ്റ്റാര്‍ പദവി ലഭിക്കുന്നത്. തിരുവനന്തപുരത്തു നടന്ന പരിപാടിയില്‍ അസാപ് സി.ഇ ഒ. റിജുവില്‍നിന്നു പ്രിന്‍സിപ്പല്‍ ഡോ. എം. ഉസ്മാനും കോഡിനേറ്റര്‍ സി. ശിഹാബുദ്ദീനും പുരസ്‌കാരം ഏറ്റുവാങ്ങി.