പയ്യന്നൂര്‍: കണ്ണൂര്‍ പയ്യന്നൂരില്‍ സി.പി.എം പ്രവര്‍ത്തകന്‍ ധന്‍രാജിനെ കൊലപ്പെടുത്തിയ കേസിലെ രണ്ടു പ്രതികള്‍ കീഴടങ്ങി. എട്ടാം പ്രതി കെ.എം ബിജു പന്ത്രണ്ടാം പ്രതി സി ബിജു എന്നിവരാണ് പയ്യന്നൂര്‍ കോടതിയില്‍ കീഴടങ്ങിയത്. ഇരുവരേയും രണ്ടാഴ്ചത്തേക്ക് റിമാന്‍ഡ് ചെയ്തു.

2016 ജൂലൈ 11 നു രാത്രിയാണ് പയ്യന്നൂരില്‍ സിപിഎം പ്രവര്‍ത്തകനായ സിവി ധന്‍രാജ് കൊല്ലപ്പെട്ടത്. ധന്‍രാജിനെ വീട്ടില്‍ കയറി ഒരു സംഘം വെട്ടിക്കൊലപ്പെടുത്തുകയായിരുന്നു. ശരീരമാസകലം വെട്ടേറ്റ നിലയില്‍ ധന്‍രാജിനെ പരിയാരം മെഡിക്കല്‍ കോളേജില്‍ പ്രവേശിപ്പിച്ചെങ്കിലും രക്ഷിക്കാനായില്ല.