വാടാനപ്പള്ളി: ലോകത്തിന്റെ വിവിധ ഭാഗങ്ങളിലായി രണ്ട് കോടിയിലേറെ ജനം പട്ടിണിമൂലം മരണത്തിലേക്കടുക്കുമ്പോള്‍ നമ്മുടെ ചുറ്റുപാടുകളി ല്‍ ഭക്ഷണ ദൂര്‍ത്ത് നടക്കുകയാണെന്ന് തളിക്കുളം ബ്ലോക് പഞ്ചായത്ത് പ്രസിഡന്റ് ഡോ:സുഭാഷിണി അഭിപ്രായപ്പെട്ടു.
അനാവശ്യമായി ആഘോഷങ്ങള്‍സംഘടിപ്പിച്ചും വീടുകളില്‍ സൂക്ഷ്മതയില്ലാതെ ഭക്ഷണം വിളമ്പിയും നടത്തുന്ന ഈ ദൂര്‍ത്തിനെ പ്രതിരോധിക്കേണ്ടത് സാമൂഹിക പ്രവര്‍ത്തകരുടെ ബാധ്യതയാണെന്നും അവര്‍ പറഞ്ഞു.
തൃത്തല്ലൂര്‍ കെ.എം.എച്ച്.എം ബനാത് അനാഥ അഗതി മന്ദിരത്തിലെ നവീകരിച്ച കിച്ചന്റെ ഉദ്ഘാടനം നിര്‍വഹിക്കുകയായിരുന്നു അവര്‍. ഡോ:സുഭാഷിണി, കെ.എം.എച്ച്.എം സെക്രട്ടറി, സി.എ മുഹമ്മദ് റഷീദ് അധ്യക്ഷനായി.
ഗ്രാമപഞ്ചായത്ത് വൈസ് പ്രസിഡ്ന്റ് ഷെക്കീല ഉസ്മാന്‍, ബ്ലോക് പഞ്ചായത്ത് അംഗം ശാരദാ പരമേശ്വരന്‍, ഗ്രാമപഞ്ചായത്ത് അംഗങ്ങളായ എ.എ അബു, ഹേമലത, കെ.എം.എച്ച്.എം വര്‍ക്കിങ് പ്രസിഡ്ന്റ് എ.കെ അബ്ദുല്‍ ഖാദര്‍, ഓര്‍ഗ്ഗനൈസര്‍ ടി.കെ മുഹമ്മദ് കുട്ടി സംസാരിച്ചു.