മലപ്പുറം: തദ്ദേശ സ്വയംഭരണ വകുപ്പ് സംയോജന നീക്കം ഉപേക്ഷിക്കുക, അശാസ്ത്രീയ കരട് നിര്‍ദേശം തള്ളുക, പങ്കാളിത്ത പെന്‍ഷന്‍ പിന്‍വലിക്കുക, ഡി.എ കുടിശ്ശികകള്‍ അനുവദിക്കുക തുടങ്ങിയ ആവശ്യങ്ങളുന്നയിച്ചു സ്റ്റേറ്റ് എംപ്ലോയീസ് യൂനിയന്‍ (എസ്.ഇ.യു) ജില്ലാ കമ്മിറ്റി ഇന്നു രാവിലെ പത്തു മുതല്‍ വൈകിട്ട് അഞ്ചു വരെ കലക്ടറേറ്റിനു മുന്നില്‍ കുത്തിയിരുപ്പ് സമരം നടത്തും.
രാവിലെ പത്തിനു മഞ്ഞളാംകുഴി അലി എം.എല്‍.എ ഉദ്ഘാടനം ചെയ്യും. പി. ഉബൈദുല്ല എം.എല്‍.എ, അഡ്വ. യു.എ ലത്വീഫ്, കുട്ടി അഹമ്മദ് കുട്ടി, എ.എം അബൂബക്കര്‍, സി. എച്ച് ജലീല്‍, എം.എ മുഹമ്മദലി, എ.പി ഉണ്ണികൃഷ്ണന്‍, എം.എല്‍.എ മാര്‍, വിവിധ സര്‍വിസ് സംഘടനാ, ട്രേഡ് യൂനിയന്‍ നേതാക്കള്‍ സംബന്ധിക്കും.