തെയ്യോട്ടുചിറ: എസ്.കെ.എസ്.എസ്.എഫ് തെയ്യോട്ടുചിറ ശാഖ സംഘടിപ്പിച്ച സമസ്ത നേതാവും ആദര്‍ശ പ്രഭാഷകനുമായിരുന്ന കല്ലൂര്‍ മുഹ്‌യുദ്ധീന്‍ കുട്ടി മുസ്‌ലിയാരുടെ അനുസ്മരണ സമ്മേളനം സമാപിച്ചു.
സമാപന സമ്മേളനം സി.എച്ച് അബ്ദുറഹിമാന്‍ വഹബിയുടെ അധ്യക്ഷതയില്‍ സമസ്ത കേരള ജംഇയ്യത്തുല്‍ ഖുതബാഅ് സംസ്ഥാന ഉപാധ്യക്ഷന്‍ സയ്യിദ് ഇമ്പിച്ചിക്കോയ തങ്ങള്‍ കൊടക്കാട് ഉദ്ഘാടനം ചെയ്തു. മഅ്മൂന്‍ ഹുദവി വണ്ടൂര്‍ മുഖ്യപ്രഭാഷണം നടത്തി. സമാപന ദിക്‌റ് ദുആ സമ്മേളനത്തിനും മജ്‌ലിസുന്നൂറിനും സമസ്ത കേരള ഇസ്‌ലാം മത വിദ്യഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ നേതൃത്വം നല്‍കി. പല്ലൂര്‍ അബൂബക്കര്‍ മുസ്‌ലിയാര്‍ സ്വാഗതവും അബ്ദുല്‍ ഗഫൂര്‍ കമാലി നന്ദിയും പറഞ്ഞു. തുടര്‍ന്ന് അന്നദാനവും നടത്തി.
സമ്മേളനത്തിന്റെ മൂന്നാം ദിവസം അബൂബക്കര്‍ ദാരിമിയുടെ അധ്യക്ഷതയില്‍ എസ്.കെ.എസ്.എസ്.എഫ് സംസ്ഥാന കൗണ്‍സിലര്‍ കബീര്‍ അന്‍വരി നാട്ടുകല്‍ പരിപാടി ഉദ്ഘാടനം ചെയ്തു. ഉബൈദ് കമാലി ആമുഖഭാഷണം നടത്തി. ഖലീല്‍ ഹുദവി കാസറകോഡ് മുഖ്യപ്രഭാഷണം നിര്‍വഹിച്ചു. അബ്ദുല്‍ റഹീം ഫൈസി സ്വാഗതവും മുഹമ്മദ് ഷബീര്‍ തെയ്യോട്ടുച്ചിറ നന്ദിയും പറഞ്ഞു. മുസ്തഫ അശ്‌റഫി കക്കുപ്പടി, മൊയ്തീന്‍ മുസ്‌ലിയാര്‍, മുഹമ്മദാലി മുസ്‌ലിയാര്‍ സംബന്ധിച്ചു.