പട്ടാമ്പി: തീവ്രവാദത്തിന്റെയും വിധ്വംസനത്തിന്റെയും വഴിസ്വീകരിക്കാതെ രാജ്യത്തിന്റെ നിര്‍മാണപ്രക്രിയയെ സത്യസന്ധമായി ഒരുമിച്ചുകൂട്ടാനാണ് ഭരണകര്‍ത്താക്കള്‍ ശ്രമിക്കേണ്ടതെന്ന് അഡ്വ. ഓണമ്പിള്ളി മുഹമ്മദ് ഫൈസി. ഇന്ത്യാ മഹാരാജ്യത്തിന്റെ സ്വാതന്ത്രത്തിന് വേണ്ടി ശബ്ദിക്കാന്‍ മുന്നോട്ട്് വന്ന പൂര്‍വികര്‍ ഈ രാജ്യം ഒറ്റകെട്ടായി മുന്നോട്ടുപോണമെന്നത് ഈനാടിന് വേണ്ടി സമ്മാനിച്ച ധീരരക്താക്കളുടെ ഓര്‍മകള്‍ മനുഷ്യസമൂഹത്തിന് ബാധ്യതയാണന്നും അദ്ദേഹം പറഞ്ഞു.
എസ്.കെ.എസ്.എസ്.എഫ് സംസ്ഥാന കമ്മിറ്റി മേഖലാതലങ്ങളില്‍ സംഘടിപ്പിക്കുന്ന രാജ്യരക്ഷാ സദസിന്റെ പട്ടാമ്പിയില്‍ നടത്തിയ ജില്ലാതല ഉദ്ഘാടന വേദിയില്‍ മുഖ്യപ്രഭാഷണം നിര്‍വഹിച്ച് സംസാരിക്കുകയായിരുന്നു അദ്ദേഹം. ദേശബോധത്തിന്റെ നിര്‍മിതികളെ ഓരോരുത്തരും മനസിലാക്കണമെന്നുള്ളതും മതഗ്രന്ഥങ്ങളെ വികലപ്പെടുത്തിവായിക്കുന്നവര്‍ യഥാര്‍ഥ ഗ്രന്ഥം വായിക്കേണ്ടത് ഗുരുക്കന്‍മാരുടെ മുന്നില്‍ ഇരുന്ന് പഠിച്ചിട്ടായിരിക്കണം. ഇന്ത്യയുടെ ചരിത്ര ഗ്രന്ഥങ്ങള്‍ മനസിലാക്കാനും ഇക്കൂട്ടര്‍ക്ക് അതിലൂടെ സാധ്യമാകണം. രാജ്യത്തിന്റെ സാംസ്‌കാരിക വൈഭവം ആചാര്യന്‍മാരുടെ വഴികളാണന്നുള്ളതും സമസ്തയുടെ സൂഫ്യവര്യന്‍മാരും മറ്റുമതങ്ങളിലുള്ള സന്യാസിമാരും മനുഷ്യത്വമാണ് പഠിപ്പിച്ച് തന്നിട്ടുള്ളതെന്നും ഓണമ്പിള്ളി മുഹമ്മദ് ഫൈസി പറഞ്ഞു.
ജില്ലാ പ്രസിഡന്റ് അന്‍വര്‍ സ്വാദിഖ് ഫൈസി കാഞ്ഞിരപ്പുഴ അധ്യക്ഷനായി. എസ്.കെ.എസ്.എസ്.എഫ് സംസ്ഥാന ട്രഷറര്‍ ഹബീബ് ഫൈസി കോട്ടോപ്പാടം ഉദ്ഘാടനം ചെയ്തു.
ഫാറൂഖ് തങ്ങള്‍ പ്രാര്‍ഥന നടത്തി. സി.എ.എം.എ കരീം, റംഷാദ് എടപ്പാള്‍, പി.കെ ചെല്ലുക്കുട്ടി, ടി.കെ മുഹമ്മദ് കുട്ടി ഫൈസി, ബാബു മാസ്റ്റര്‍, സജീര്‍ പേഴുങ്കര, റഹീം ഫൈസി, സുബൈര്‍ മുസലിയാര്‍, മുഹമ്മദലി ഉലൂമി, ഖാജ ഉലൂമി, കുഞ്ഞുമുഹമ്മദ് ഫൈസി മോളൂര്‍, ഹിബത്തുള്ള മാസ്റ്റര്‍, ഹുസൈന്‍ തങ്ങള്‍, ഖാദര്‍ ഫൈസി, ശിഹാബുദ്ദീന്‍ ജിഫ്രി തങ്ങള്‍, ഹാഷിം തങ്ങള്‍, മുഹ്‌സിന്‍ കമാലി, സക്കീര്‍ മാസ്റ്റര്‍ മാരായമംഗലം, സൈനുദ്ദീന്‍ മാസ്റ്റര്‍, ബഷീര്‍ മാസ്റ്റര്‍ മേല്‍മുറി, ആരിഫ് ഫൈസി, അബ്ദുല്‍റഹ്്മാന്‍ മരുതൂര്‍, ഉബൈദ് അന്‍വരി, ശാഫി അന്‍വരി, മുബഷിര്‍ ചുങ്കത്ത്, നിഷാദ് പട്ടാമ്പി, ഫാറൂഖ് വിളയൂര്‍, ആസിഫ് കൊപ്പം, അസ്‌കറലി മാസ്റ്റര്‍, സഈദുദ്ദീന്‍ ഹുദവി സംബന്ധിച്ചു.