കൊല്ലം: കോളേജ് വിദ്യാർത്ഥികളുമായി വിനോദയാത്രയ്‌ക്ക് പോയ ടൂറിസ്റ്റ് ബസിൽ നിന്ന് കഞ്ചാവ് പിടികൂടി. കൊല്ലത്ത് നിന്നുള്ള കോളേജിലെ വിദ്യാർത്ഥികൾ വയനാട്ടിലേക്ക് വിനോദയാത്രയ്‌ക്ക് പുറപ്പെട്ട സംഘത്തിലാണ് പരിശോധന നടന്നത്. ആനന്ദവല്ലീശ്വരത്തിനടുത്ത് നടന്ന പരിശോധനയിൽ മൂന്ന് വിദ്യാർത്ഥികളെ കഞ്ചാവുമായി പിടിലായത്.

Three college students were arrested after ganja was seized from a tourist bus during an excursion.

'ഓപ്പറേഷൻ ക്ലീൻ സ്റ്റേറ്റ്';  ആദ്യ അഞ്ച് ദിവസത്തിനുള്ളിൽ 368 പേർ അറസ്റ്റിൽ, 81.13 ലക്ഷം രൂപയുടെ മയക്കുമരുന്ന് പിടികൂടി

തിരുവനന്തപുരം: ലഹരിമരുന്ന് വ്യാപനത്തിനെതിരെ എക്‌സൈസ് വകുപ്പ് നടത്തിയ 'ഓപ്പറേഷൻ ക്ലീൻ സ്റ്റേറ്റ്' നടപടിയുടെ ഭാഗമായി ആദ്യ അഞ്ച് ദിവസത്തിനുള്ളിൽ 360 എൻഡിപിഎസ് (NDPS) കേസുകൾ രജിസ്റ്റർ ചെയ്ത് 368 പേരെ അറസ്റ്റ് ചെയ്തതായി എക്സൈസ് മന്ത്രി എം.ബി. രാജേഷ്. കേസുകളിൽ 378 പേർ പ്രതികളായി. ഇവരിൽ 17 പേർ ഒളിവിലായിരുന്നു, അവരെ തിരഞ്ഞു കണ്ടുപിടിച്ച് അറസ്റ്റ് ചെയ്തു.മൊത്തത്തിൽ 81.13 ലക്ഷം രൂപയുടെ മയക്കുമരുന്ന് പിടിച്ചെടുക്കാൻ എക്‌സൈസ് സേനയ്ക്ക് കഴിഞ്ഞു.

വ്യാപക പരിശോധന – ലഹരിക്കെതിരെ ശക്തമായ നടപടി

മാർച്ച് 5 മുതൽ 12 വരെ നീണ്ടുനില്ക്കുന്ന ക്യാമ്പെയ്ൻ എന്ന നിലയിൽ 2181 പരിശോധനകൾ എക്‌സൈസ് സംഘം നടത്തിയതായും, മറ്റ് വകുപ്പുകളുമായി ചേർന്ന് 39 സംയുക്ത പരിശോധനകളും നടത്തുകയായിരുന്നെന്നും മന്ത്രി വ്യക്തമാക്കി.

21,389 വാഹനങ്ങൾ പരിശോധിച്ചു,ലഹരിമരുന്ന് കടത്തിയ 16 വാഹനങ്ങൾ പിടികൂടി

വ്യത്യസ്തയിടങ്ങളിൽ പരിശോധന – 602 സ്കൂൾ പരിസരങ്ങൾ, 152 ബസ് സ്റ്റാൻഡുകൾ, 59 ലേബർ ക്യാമ്പുകൾ, 54 റെയിൽവേ സ്റ്റേഷനുകൾ
എക്‌സൈസ് സേനയുടെ പ്രവർത്തനം കൂടുതൽ ശക്തമാക്കുമെന്നും, അതിർത്തികളിൽ കൂടുതൽ ജാഗ്രത പാലിക്കുമെന്നും മന്ത്രി എം.ബി. രാജേഷ് അറിയിച്ചു.

പ്രതികളിൽനിന്ന് പിടിച്ചെടുത്ത മയക്കുമരുന്നുകൾ:

-56.09 ഗ്രാം എംഡിഎംഎ
-23.11 ഗ്രാം മെത്താഫിറ്റാമിൻ
-10.2 ഗ്രാം ഹെറോയിൻ
-4 ഗ്രാം ചരസ്
-2.05 ഗ്രാം ഹാഷിഷ്
-23.7 ഗ്രാം ഹാഷിഷ് ഓയിൽ
-77.8 കിലോ കഞ്ചാവ്
-43 കഞ്ചാവ് ചെടികൾ
-96 ഗ്രാം കഞ്ചാവ് ഭാംഗ്
-കഞ്ചാവ് ബീഡികൾ

അബ്കാരി, പുകയില കേസുകളും കണ്ടെത്തി

പുലരിച്ച 304 അബ്കാരി കേസുകളും 1162 പുകയില കേസുകളും കണ്ടെത്തിയതായും 10,430 ലിറ്റർ സ്പിരിറ്റ്, 101.8 കിലോ പുകയില ഉൽപ്പന്നങ്ങൾ പിടിച്ചെടുത്തതായും മന്ത്രി അറിയിച്ചു.
എക്‌സൈസ് സേനയുടെ പ്രവർത്തനം അഭിനന്ദനാർഹമാണെന്നും, സംസ്ഥാനത്ത് ലഹരിക്കെതിരെ തുടർന്നും ശക്തമായ നടപടികൾ സ്വീകരിക്കുമെന്നും മന്ത്രി അറിയിച്ചു.

Excise Minister M.B. Rajesh said that as part of the 'Operation Clean State' campaign launched by the Excise Department against the spread of narcotics, 360 NDPS cases were registered and 368 people were arrested in the first five days. 378 people were accused in the cases.