കണ്ണൂര്‍: പാനൂർ പൊയിലൂർ മുത്തപ്പൻ മടപ്പുര ഉത്സവത്തിനിടെ ബിജെപി പ്രവർത്തകന് വെട്ടേറ്റു. ചൊവ്വാഴ്ച ഉച്ചക്ക് ആയിരുന്നു സംഭവം. പാനൂർ കൊല്ലമ്പറ്റ സ്വദേശി ഷൈജുവിനാണ് വെട്ടേറ്റത്. 

റിപ്പോർട്ടുകൾ പ്രകാരം, ഷൈജു ഉൾപ്പെടെ അഞ്ച് ബിജെപി പ്രവർത്തകരാണ് ആക്രമിക്കപ്പെട്ടത്. ഷൈജുവിന് വെട്ടേറ്റതായും മറ്റു നാല് ബിജെപി പ്രവർത്തകർക്ക് മർദ്ദനമേറ്റതായുമാണ് റിപ്പോർട്ട്. ഷൈജുവിന്റെ തലക്കാണ് പരുക്കേറ്റത്. ഇന്ദിരാ ഗാന്ധി ആശുപത്രിയില്‍ പ്രവേശിപ്പിച്ച ഷൈജു അപകടനില തരണം ചെയ്തതായാണ് ലഭിക്കുന്ന വിവരം. ആക്രമണത്തിന് പിന്നില്‍ സിപിഎം ആണെന്ന് ബിജെപി ആരോപിച്ചു. സംഭവത്തില്‍ അന്വേഷണം ആരംഭിച്ചതായി പൊലിസ് അറിയിച്ചു.

A clash broke out during a festival in Kannur, leaving a BJP worker injured. Allegations point to the CPM being behind the attack.