പത്തനംതിട്ട: കോന്നി റീജിയണല്‍ സഹകരണ ബാങ്കില്‍ നിക്ഷേപിച്ച പണം തിരികെ ലഭിക്കാത്തതില്‍ മനംനൊന്ത് നിക്ഷേപകന്‍ ആത്മഹത്യയ്ക്ക് ശ്രമിച്ചു. പത്തനംതിട്ട  കോന്നി പയ്യനാമണ്‍  സ്വദേശി ആനന്ദന്‍ ( 64 ) ആണ് ആത്മഹത്യയ്ക്ക് ശ്രമിച്ചത്. നിലവില്‍ ഇയാള്‍ വെന്റിലേറ്ററില്‍ കഴിയുകയാണ്. ഇദ്ദേഹത്തിന്റെ ആരോഗ്യനില അതീവ ഗുരുതരമെന്ന് കോട്ടയം മെഡിക്കല്‍ കോളജ് ആശുപത്രി അധികൃതര്‍ പറയുന്നു. മദ്യത്തില്‍ അമിതമായി ഗുളികകള്‍ ചേര്‍ത്തു കഴിക്കുകയായിരുന്നു.  

എല്‍ഡിഎഫ് ഭരിക്കുന്ന കോന്നി റീജ്യണല്‍ സഹകരണ ബാങ്കില്‍ നിന്ന് 11 ലക്ഷം രൂപയാണ് ആനന്ദന് കിട്ടാനുണ്ടായിരുന്നത്. മുന്‍ഗണനാ ക്രമത്തില്‍ പണം നല്‍കണമെന്ന് ഹൈക്കോടതി വിധിയുണ്ടെങ്കിലും നടപ്പായിരുന്നില്ല. ഇതേത്തുടര്‍ന്നാണ് ഇയാള്‍ ആത്മഹത്യയ്ക്ക് ശ്രമിച്ചത്.