പാലക്കാട്: മണിപ്പൂരിലെ ബി.ജെ.പിയുടെ ജയം പണത്തിന്റെയും കൈയ്യൂക്കിന്റേതുമാണെന്ന് ഇറോം ശര്‍മിള.
മണിപ്പൂരിലെ ജനങ്ങള്‍ ഇനിയും ഉത്ബുദ്ധരാകേണ്ടതെണ്ടെന്നാണ് തെരഞ്ഞെടുപ്പ് ഫലത്തില്‍ നിന്നും മനസ്സിലായത്. അതുകൊണ്ടാണ് തെരഞ്ഞെടുപ്പില്‍ ജനങ്ങള്‍ തന്നെ കൈവിട്ടതെന്നും ഇറോം ശര്‍മിള പറഞ്ഞു.

പാലക്കാട് അട്ടപ്പാടിയില്‍ സന്ദര്‍ശനത്തിനെത്തിയതായിരുന്നു അവര്‍. കേരളത്തിലെ ജനങ്ങള്‍ തന്നെ പിന്തുണക്കുന്നതുകൊണ്ടാണ് അവധി ചിലവഴിക്കാന്‍ കേരളം തെരഞ്ഞെടുത്തതെന്നും എല്ലാത്തില്‍ നിന്നും വിട്ടു നില്‍ക്കാന്‍ വേണ്ടിയാണ് ഇവിടെയെത്തിയതെന്നും അവര്‍ പറഞ്ഞു. അട്ടപ്പാടിയില്‍ മാധ്യമ പ്രവര്‍ത്തകരുടെ ചോദ്യങ്ങളോട് പ്രതികരിക്കുകയായിരുന്നു അവര്‍.