കാഞ്ഞങ്ങാട്: വഴിയില്‍നിന്ന് കളഞ്ഞുകിട്ടിയ പണവും രേഖകളുമടങ്ങിയ ബാഗ് ഉടമസ്ഥന് തിരിച്ചുനല്‍കി. നീലേശ്വരം പള്ളിക്കര സ്വദേശിയായ സത്യപാലനാണ് ഉടമ നെല്ലിക്കാട്ടെ എ. കുഞ്ഞിരാമന് ബാഗ് തിരിച്ചു നല്‍കിയത്.
നീലേശ്വരത്തുനിന്ന് കാസര്‍കോട്ടേക്ക് പോകുകയായിരുന്ന സത്യപാലന് മാവുങ്കാലിലെ പാതയോരത്തുവച്ചാണ് ബാഗ് കളഞ്ഞുകിട്ടിയത്. തുടര്‍ന്ന് ബാഗില്‍നിന്ന് കിട്ടിയ ഫോണ്‍ നമ്പറില്‍ വിളിച്ചറിയിച്ച ശേഷം സത്യപാലന്‍ ഹൊസ്ദുര്‍ഗ് പൊലിസ് സ്റ്റേഷനില്‍ ഏല്‍പിക്കുകയായിരുന്നു. പിന്നീട് പൊലിസ് സ്റ്റേഷനില്‍ വച്ച് സത്യപാലന്‍ കുഞ്ഞിരാമന് ബാഗ് കൈമാറി..