കുമ്പള: മഞ്ചേശ്വരത്തും പരിസര പ്രദേശങ്ങളിലും മോഷണം പതിവായിട്ടും നടപടിയെടുക്കാത്തതിനെതിരേ പ്രതിഷേധം ശക്തമാകുന്നു. കഴിഞ്ഞദിവസം ഹൊസങ്കടിയില്‍ ടൗണില്‍ മൂന്നുകടകളാണ് കുത്തിത്തുറന്ന് മോഷണം നടത്തിയത്. 35,000 രൂപയും സാധനങ്ങളുമാണ് ഇവിടെനിന്ന് മോഷ്ടാക്കള്‍ കവര്‍ന്നത്. പൈവളിഗെ ടവറിലെ മൊയ്തീന്‍ അബ്ബയുടെ ഫാമിലി സൂപ്പര്‍മാര്‍ക്കറ്റ്, സമീപത്തെ മലബാര്‍ ടവറിലെ സൂപ്പി കുട്ടിയുടെ ബെഡ് സെന്റര്‍, മുഹമ്മദ് അറഫാത്തിന്റെ ഉടമസ്ഥതയിലുള്ള ക്ലാസ് മേറ്റ് ബുക്ക്സ്റ്റാള്‍ എന്നിവിടങ്ങളിലാണ് കവര്‍ച്ച നടന്നത്.
സൂപ്പര്‍ മാര്‍ക്കറ്റില്‍ കാഷ് കൗണ്ടറില്‍ സൂക്ഷിച്ചിരുന്ന 25,000 രൂപയും ബുക്ക് സ്റ്റാളില്‍നിന്ന് 15,000 രൂപയുമാണ് കവര്‍ന്നത്. ബെഡ് സെന്ററില്‍നിന്ന് കിടക്കകളും ഷീറ്റും മറ്റും കവരുകയും ചെയ്തു. ഇന്നലെ പുലര്‍ച്ചയോടെയാണ് മോഷണം നടന്നതെന്ന് സി.സി ടി.വി ദൃശ്യങ്ങളില്‍നിന്ന് വ്യക്തമായിട്ടുണ്ട്. കമ്പി പാര ഉപയോഗിച്ച് ഷെട്ടര്‍ പൊളിച്ചാണ് മൂന്നംഗ സംഘം. ബുക്ക് സ്റ്റാളിലുള്ള സി.സി ടി.വിയിലാണ് മോഷ്ടാക്കളുടെ ചിത്രം പതിഞ്ഞിരിക്കുന്നത്. സമാനമായ രീതിയില്‍ തന്നെയാണ് മറ്റ് രണ്ടുകടകളിലും മോഷണം നടത്തിയത്.
അതേസമയം സംഭവത്തില്‍ പൊലിസ് അന്വേഷണം ഊര്‍ജ്ജിതമാക്കി. വിരലടയാള വിദഗ്ധര്‍ സ്ഥലത്തെത്തി പരിശോധന നടത്തി.