കൊച്ചി: കുസാറ്റിലെ ഫിസിക്‌സ് വകുപ്പിന്റെ ആഭിമുഖ്യത്തില്‍ ഗവേഷണ അവബോധത്തെക്കുറിച്ച് ശില്‍പശാല സംഘടിപ്പിക്കുന്നു. 19ന് രാവിലെ 11ന് കുസാറ്റ് ഫിസിക്‌സ് വകുപ്പ് ഓഡിറ്റോറിയത്തില്‍ നടക്കുന്ന ശില്‍പ്പശാല മന്ത്രി സി രവീന്ദ്രനാഥ് ഉദ്ഘാടനം ചെയ്യുമെന്ന് സംഘാടകര്‍ വാര്‍ത്താ സമ്മേളനത്തില്‍ പറഞ്ഞു. ഇബ്രാഹിംകുഞ്ഞ് എം.എല്‍.എ അധ്യക്ഷനാകും. വിവിധ കോളേജുകളില്‍ നിന്നുള്ള 40 വിദ്യാര്‍ത്ഥികളുടെ കണ്ടുപിടിത്തങ്ങള്‍ ശില്‍പ്പശാലയ്ക്ക് ശേഷം പ്രദര്‍ശിപ്പിക്കും. 18 മുതല്‍ 22 വരെയാണ് ഫിസിക്‌സ് ഫെസ്റ്റ് നടക്കുന്നതെന്നും സംഘാടകര്‍ പറഞ്ഞു. ഫിസിക്‌സ് വിഭാഗം മേധാവി പ്രൊഫ. എം കെ ജയരാജ്, പ്രോഗ്രാം കണ്‍വീനര്‍ എസ് ജയലക്ഷ്മി തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.