പാനൂര്‍: സമസ്ത പൊതുപരീക്ഷയില്‍ അമാനി ഷംസുദ്ദീന് മികച്ച നേട്ടം. ഏഴാംക്ലാസില്‍ 393 മാര്‍ക്കോടെ സംസ്ഥാനത്ത് നാലാംറാങ്കും ജില്ലയില്‍ ഒന്നാംറാങ്കും നേടി. പാനൂര്‍ റെയിഞ്ചിലെ പന്ന്യന്നൂര്‍ മസ്വാലിഹുല്‍ മദ്‌റസ വിദ്യാര്‍ഥിനിയാണ്. മദ്‌റസയില്‍ പി.ടി.എയുടെയും സ്റ്റാഫ് കൗണ്‍സിലിന്റെയും യോഗം അമാനിയെ അനുമോദിച്ചു. സ്വദര്‍ മുഅല്ലിം ആര്‍.വി ഇല്ല്യാസ് ദാരിമി ഉദ്ഘാടനം ചെയ്തു. ടി കുഞ്ഞമ്മദ് അധ്യക്ഷനായി. അഞ്ച്, ഏഴ്, പത്ത് ക്ലാസുകളിലെ പൊതുപരീക്ഷയില്‍ ഉന്നതവിജയം നേടിയ വിദ്യാര്‍ഥികളെയും അധ്യാപകരെയും യോഗം അഭിനന്ദിച്ചു.