മഞ്ചേശ്വരം: നൃത്താധ്യാപികയെ ക്ലാസ് മുറിയില്‍ കയറി മര്‍ദിച്ച കേസില്‍ 15 പേര്‍ക്കെതിരേ മഞ്ചേശ്വരം പൊലിസ് കേസെടുത്തു.  സംഭവത്തില്‍ രണ്ടുപേരെ അറസ്റ്റ് ചെയ്തു.
മഞ്ചേശ്വരം അരസു സ്‌കൂള്‍ ഓഫ് ഡാന്‍സിലെ നൃത്താധ്യാപികയും കൊല്ല്യ കോട്ടക്കല്‍ സ്വദേശിനിയുമായ സന്ധ്യ (25) യെയാണ് ഒരു സംഘം കഴിഞ്ഞ ദിവസം ക്ലാസ് മുറിയില്‍ കയറി അക്രമിച്ചത്. പരുക്കേറ്റ ഇവര്‍ കുമ്പള ആശുപത്രിയില്‍ ചികിത്സയിലാണ്. സംഭവവുമായി ബന്ധപ്പെട്ടു പൊസോട്ടെ നവീന്‍ (28), മഞ്ചേശ്വരത്തെ വിശ്വനാഥ് (28) എന്നിവരെയാണു പൊലിസ് അറസ്റ്റ് ചെയ്തത്. നിശ്ചയിച്ചുറപ്പിച്ച വിവാഹത്തില്‍ നിന്നു പിന്മാറിയതിനെ തുടര്‍ന്നാണ് അക്രമമെന്നു കരുതുന്നു.