കാസര്‍കോട്: കഴിഞ്ഞ മാര്‍ച്ചില്‍ നടത്തിയ ഹയര്‍ സെക്കന്‍ഡറി രണ്ടാം വര്‍ഷ പരീക്ഷയില്‍ ജില്ലയില്‍ 79.54 ശതമാനം വിജയം. മുന്‍ വര്‍ഷമിത് 79.23 ശതമാനമായിരുന്നു. 105 സ്‌കൂളുകളില്‍ നിന്നായി 14,146 പേര്‍ പരീക്ഷയെഴുതിയതില്‍ 11,252 പേര്‍ ഉപരിപഠനത്തിന് യോഗ്യത നേടി.
497 പേര്‍ക്ക് എല്ലാ വിഷയത്തിലും എ പ്ലസ് ലഭിച്ചു. ജില്ലയില്‍ ഓപ്പണ്‍ സ്‌കൂളില്‍ 2,012 പേര്‍ പരീക്ഷയെഴുതിയതില്‍ 786 പേര്‍ വിജയിച്ചു. 39.07 ശതമാനം വിജയം. വൊക്കേഷണല്‍ ഹയര്‍ സെക്കന്‍ഡറി വിഭാഗത്തില്‍ സംസ്ഥാനത്തൊട്ടാകെ പരീക്ഷയെഴുതിയ 29,174 വിദ്യാര്‍ഥികളില്‍ 80.32 ശതമാനം പേര്‍ ഉന്നത പഠനത്തിന് യോഗ്യത നേടി.