എടപ്പാള്‍: കുറ്റിപ്പുറം പൊലിസ് കസ്റ്റഡിയിലെടുത്ത് കൂട്ടിയിട്ട വാഹനങ്ങള്‍ക്ക് തീപിടിച്ചു.വിദ്യാനഗര്‍ മൈതാനിയില്‍ കൂട്ടിയിട്ട വാഹനങ്ങളാണ് കത്തി നശിച്ചത്. അന്‍പതോളം വാഹനങ്ങള്‍ കത്തിനശിച്ചു. കോടികളുടെ നഷ്ടം കണക്കാക്കുന്നു. ഇന്നലെ ഉച്ചക്ക് രണ്ടണ്ട് മണിയോടെയാണ് വാഹനങ്ങള്‍ക്ക് തീ പിടിച്ചത്. പൊന്നാനിയില്‍ നിന്നും തിരൂരില്‍ നിന്നും മലപ്പുറത്ത് നിന്നും എത്തിയ ഫയര്‍ഫോഴ്‌സും നാട്ടുകാരും ചേര്‍ന്ന് മണിക്കൂറുകള്‍ നീണ്ടണ്ട ശ്രമത്തിനൊടുവില്‍  തീ കെടുത്തി. ആഴ്ചകള്‍ക്ക് മുന്‍പും ഇതുപോലെ വാഹനങ്ങള്‍ക്ക് തീപിടിച്ചരുന്നു. കസ്റ്റഡിയിലെടുത്ത നിരവധി വാഹനങ്ങളാണ് ഇത്തരത്തില്‍ കൂട്ടിയിട്ടിട്ടുള്ളത്.