വെട്ടത്തൂര്‍: മലപ്പുറം ജില്ലയിലെ മികച്ച യൂത്ത് ക്ലബിനുള്ള പുസ്‌കാരം മണ്ണാര്‍മല വിദ്യാപോഷിണി ഗ്രന്ഥാലയത്തിന് ലഭിച്ചു. സംസ്ഥാന യുവജന ക്ഷേമ ബോര്‍ഡ് ഏര്‍പ്പെടുത്തിയ 2015ലെ സ്വാമി വിവേകാനന്ദ യുവ പ്രതിഭാ പുരസ്‌കാരത്തിനാണ് ഗ്രസ്ഥാലയം അര്‍ഹരായത്.
പരിസ്ഥിതി സംരക്ഷണ, കാര്‍ഷിക ജീവകാരുണ്യ, ലൈബ്രറി പ്രവര്‍ത്തനങ്ങള്‍, ബാലവേദി, വനിതാവേദി,  എസ്.എസ്.എല്‍.സി പഠന ക്യാംപ് തുടങ്ങിയ സാമൂഹ്യ ക്ഷേമ പ്രവര്‍ത്തനങ്ങള്‍ വിലയിരുത്തിയാണ് അവാര്‍ഡ്. 30,001 രൂപയും പ്രശസ്തി പത്രവും അടങ്ങുന്ന പുരസ്‌ക്കാരം കഴിഞ്ഞ ദിവസം തിരുവനന്തപുരം വി.ജെ.ടി ഹാളില്‍ നടന്ന ചടങ്ങില്‍ മുഖ്യമന്ത്രി പിണറായി വിജയനില്‍ നിന്ന് ഗ്രന്ഥാലയം പ്രവര്‍ത്തകര്‍ ഏറ്റുവാങ്ങി. ഭാരവാഹികളായ ഫിറോസ് കാരാടന്‍, മുഹമ്മദ് കല്ലിങ്ങല്‍, കെ ഹംസ, കെ അബ്ബാസ്, വി ബാലകൃഷ്ണന്‍, കെ.ടി ഉമ്മര്‍, കെ അലി, കെ നൗഷാദ്, പി.കെ ഷിഹാബ്, നൗഷാദ്, അബ്ദുറഹ്മാന്‍ എന്നിവരാണ് അവാര്‍ഡ് ഏറ്റുവാങ്ങിയത്.