റാഞ്ചി: ഡി.ആര്‍.എസിനായി ഡ്രസിങ് റൂം സഹായം തേടിയ സ്മിത്ത് ചതിയനാണെന്ന് വിശേഷിപ്പിച്ച ഇന്ത്യന്‍ നായകന്‍ വിരാട് കോഹ്‌ലിയുടെ വാദങ്ങള്‍ തള്ളി സ്റ്റീവന്‍ സ്മിത്ത്. ഇന്ത്യന്‍ നായകന്‍ പറഞ്ഞതു പോലുള്ള കാര്യങ്ങളല്ല കളത്തില്‍ സംഭവിച്ചത്. മത്സരശേഷം തന്റെ ഭാഗത്തു നിന്നുള്ള ഒരു പിശകാണെന്ന് വ്യക്തമാക്കിയിരുന്നു. ഇത് താന്‍ ആവര്‍ത്തിച്ച് വ്യക്തമാക്കിയതാണ്. ഇന്ത്യന്‍ ടീമംഗങ്ങള്‍ തന്റെ വാദത്തെ അംഗീകരിക്കാതെ താന്‍ ചതിയനാണെന്ന് ആവര്‍ത്തിക്കുകയാണ്. എന്നാല്‍ ഇത് തെറ്റിദ്ധാരണയാണെന്നും സ്മിത്ത് കൂട്ടിച്ചേര്‍ത്തു.