കഠിനംകുളം: തുമ്പ രാജീവ് ഗാന്ധി നഗര്‍ സ്വദേശി ഡോണ്‍ ബോസ്‌കോയെ വെട്ടിക്കൊലപ്പെടുത്താന്‍ ശ്രമിച്ച കേസിലെ പ്രതി കണ്ണാന്തുറ രാജീവ് നഗര്‍  ഷാരോണ്‍ ഹൗസില്‍ ഷാനുവിനെ( 31)  തുമ്പ പൊലിസ് അറസ്റ്റ് ചെയ്തു.
ഒരുവര്‍ഷം മുന്‍പാണ്ഷാനുവും സംഘവും ചേര്‍ന്ന്  ഡോണ്‍ബോസ്‌ക്കോയെ  വെട്ടിക്കൊലപ്പെടുത്താന്‍ ശ്രമിച്ചത്.  പ്രതിക്കെതിരെ കഠിനംകുളം  പൊലിസ് സ്‌റ്റേഷനില്‍ വധശ്രമത്തിനു കേസ് നിലവിലുണ്ട്.  തമിഴ്‌നാട്ടില്‍ ഒളിവിലായിരുന്ന പ്രതി വീട്ടില്‍ വരവേയാണ് പിടിയിലായത്. സൈബര്‍സിറ്റി അസി. കമ്മിഷണര്‍ പ്രമോദ് കുമാറിന്റെ നിര്‍ദേശപ്രകാരം സി.ഐ അജയ് കുമാര്‍  ,തുമ്പ  എസ്.ഐ എസ്.സനോജ് , എന്നിവര്‍ ചേര്‍ന്നാണ് പ്രതിയെ പിടികൂടിയത്.