പാപ്പിനിശ്ശേരി: പാപ്പിനിശ്ശേരി ഗ്രാമ പഞ്ചായത്തിന്റെ 2017-18 വര്‍ഷത്തെ ബജറ്റില്‍ കാര്‍ഷിക മേഖലക്ക് മുന്‍ഗണന നല്‍കി 33 ലക്ഷം രൂപ വകയിരുത്തി. കാര്‍ഷിക രംഗത്ത് പ്രത്യേക കര്‍മ സമിതി രൂപീകരിക്കും.
 150 ഏക്കര്‍ സ്ഥലത്ത് നെല്‍കൃഷി നടത്തുന്നതിന് പദ്ധതി നടപ്പിലാക്കും.
പാപ്പിനിശ്ശേരി പ്രദേശങ്ങളില്‍ മാലിന്യം തള്ളുന്നതിന് പരിഹാരം കാണാന്‍ അറവ്, കോഴി മാലിന്യങ്ങള്‍ സംസ്‌കരിക്കുന്നതടക്കമുള്ള പദ്ധതിക്ക് 25 ലക്ഷം രൂപ, മൃഗപരിപാലനത്തിന് 15.50 ലക്ഷം എന്നിങ്ങനെ തുക വകയിരുത്തി.
ഗ്രാമപഞ്ചായത്ത് വൈസ് പ്രസിഡന്റ് സി റീന ബജറ്റ് അവതരിപ്പിച്ചു. പ്രസിഡന്റ് കെ നാരായണന്‍ അധ്യക്ഷനായി. മെമ്പര്‍മാരായ ടി.വി രാജീവന്‍, സി രാജന്‍, കോട്ടൂര്‍ ഉത്തമന്‍, പഞ്ചായത്ത് സെക്രട്ടറി ജെയ്‌സണ്‍ മാത്യു സംസാരിച്ചു.