മലപ്പുറം: പത്രിക സമര്‍പ്പിക്കാനെത്തുന്ന സ്ഥാനാര്‍ഥികളോടൊപ്പമുള്ള മൂന്നു വാഹനങ്ങള്‍ക്കു മാത്രമേ വരണാധികാരിയുടെ ഓഫിസിന്റെ 100 മീറ്റര്‍ പരിധിയിലേക്കു പ്രവേശനമുള്ളൂവെന്ന് ജില്ലാ തെരഞ്ഞെടുപ്പ് ഉദ്യോഗസ്ഥനായ  ജില്ലാ കലക്ടര്‍ അമിത് മീണ.
അഞ്ചു പേര്‍ക്കു മാത്രമാണ് പത്രിക സമര്‍പ്പിക്കുന്ന സമയത്തു വരണാധികാരിയുടെ മുറിയിലേക്കു പ്രവേശിക്കാന്‍ അനുവാദം ലഭിക്കുക. അംഗീകൃത രാഷ്ട്രീയ പാര്‍ട്ടികളുടെ സ്ഥാനാര്‍ഥികള്‍ക്ക് ഒരാള്‍മാത്രം പിന്താങ്ങിയാല്‍ മതി. സ്വതന്ത്രര്‍, അംഗീകാരമില്ലാത്ത രാഷ്ട്രീയ പാര്‍ട്ടി സ്ഥാനാര്‍ഥികള്‍ എന്നിവരെ 10 പേര്‍ പിന്താങ്ങണം. അംഗീകൃത പാര്‍ട്ടികള്‍ ഏതു ചിഹ്നമാണ് വേണ്ടതെന്നു രേഖപ്പെടുത്തിയിരിക്കണം.