കൊണ്ടോട്ടി: കരിപ്പൂര്‍ വിമാനത്താവളത്തില്‍ വിമാനം എയറോബ്രിഡ്ജില്‍ ഇടിച്ചെങ്കിലും അപകടം ഒഴിവായി. ഇന്നലെ ഉച്ചക്ക് പന്ത്രണ്ട് മണിയോടെയാണ് ഇന്‍ഡിഗോ എയര്‍വേയ്‌സിന്റെ വിമാനം എയറോബ്രിഡ്ജില്‍ ഇടിച്ചത്.
  ദുബൈയില്‍ നിന്ന് കരിപ്പൂരിലെത്തി മുംബൈ വഴി ഡല്‍ഹിയിലേക്ക് പോകേണ്ടതായിരുന്നു വിമാനം. ഡല്‍ഹിക്കുള്ള  യാത്രക്കാരെ കയറ്റാനായി ഡൊമസ്റ്റിക് ടര്‍മിനലില്‍ എത്തിയപ്പോഴാണ്  മുന്‍ഭാഗത്തെ വാതിലിനു സമീപം ഉള്ള ഭാഗം യാത്രക്കാര്‍ക്കായുള്ള  എയറോ ബ്രിഡ്ജിന്റെ വശത്ത് ഇടിച്ചത്.  
തുടര്‍ന്ന് എന്‍ജിനീയറിങ് വിഭാഗം പരിശോധന നടത്തി. പരിശോധനയില്‍ തകരാര്‍ കണ്ടെത്താന്‍ കഴിയാത്തതിനെ തുടര്‍ന്ന്  യാത്രാനുമതി നല്‍കിയ വിമാനം അരമണിക്കൂര്‍ വൈകിയാണ് പുറപ്പെട്ടത്.