ഗുരുവായൂര്‍: തുറമുഖ വികസന വകുപ്പ് മന്ത്രി കടന്നപ്പിള്ളി രാമചന്ദ്രന്‍ ഗുരുവായൂര്‍ ക്ഷേത്രത്തില്‍ ദര്‍ശനം നടത്തി. മന്ത്രിയായി ചുമതലയേറ്റശേഷം ആദ്യമായാണ് ഗുരുവായൂരിലെത്തുന്നത്.
നിര്‍മ്മാല്യം തൊഴുത ശേഷം തുലാഭാരം നടത്താനായി പുലര്‍ച്ചെ 5 മണിയോടെ വീണ്ടും ക്ഷേത്രത്തിലെത്തിയിരുന്നു. കദളിക്കുല സമര്‍പ്പിച്ചായിരുന്നു ദര്‍ശനം. പഞ്ചസാരകൊണ്ട് തുലാഭാരവും നടത്തി. 58 കിലോ കദളിപ്പഴമാണ് തുലാഭാരത്തിനെടുത്തത്.
ക്ഷേത്രം അസിസ്റ്റന്റ് മാനേജര്‍ ആര്‍.പരമേശ്വരന്‍, മായാമോഹനന്‍, സി.ബിജുലാല്‍ എന്നിവര്‍ അനുഗമിച്ചു.
തുടര്‍ന്ന് ശ്രീവത്സത്തിലെത്തിയ മന്ത്രിയെക്കാണാന്‍ നഗരസഭാ ചെയര്‍പേഴ്‌സണ്‍ പി.കെ ശാന്തകുമാരിയെത്തിയിരുന്നു.