കോഴിക്കോട്: കേരളാ പ്രീമിയര്‍ ലീഗിലെ രണ്ട് പരാജയങ്ങള്‍ക്ക് ശേഷം ക്വാര്‍ട്‌സ് എഫ്.സി വിജയവഴിയിലേക്ക് തിരിച്ചെത്തി. ഇന്നലെ നടന്ന മത്സരത്തില്‍ എസ്.ബി.ഐയെ രണ്ടിനെതിരേ മൂന്ന് ഗോളുകള്‍ക്കാണ് ക്വാര്‍ട്‌സ് പരാജയപ്പെടുത്തിയത്.

തുടക്കത്തില്‍ ക്വാര്‍ട്‌സ് രണ്ട് ഗോളുകള്‍ക്ക് മുന്നിലായിരുന്നെങ്കിലും എസ്.ബി.ഐ രണ്ട് ഗോളുകള്‍ തിരച്ചടിക്കുകയായിരുന്നു. ക്വാര്‍മട്‌സിനായി ഇമ്മാനുവല്‍ രണ്ടു ഗോളും ബെഞ്ചമിന്‍ ഒരു ഗോളും നേടി. എസ്.ബി.ഐക്ക് വേണ്ടി സീസനും സജിത് പൗലോസും ഓരോ ഗോള്‍ വീതം നേടി. ജയത്തോടെ ക്വാര്‍ട്‌സിന് ഏഴ് മത്സരങ്ങളില്‍ നിന്നായി 15 പോയിന്റായി. ഗ്രൂപ്പില്‍ ഗോകുലം ഒന്നാമതും ക്വാര്‍ട്‌സ് എഫ്.സി രണ്ടാമതുമാണിപ്പോള്‍.