മേപ്പാടി: പുത്തുമല  കാശ്മീരില്‍ പുലി ഇറങ്ങി വളര്‍ത്തു മൃഗങ്ങളെ ആക്രമിച്ചു. രണ്ട് പശുക്കള്‍ ചാവുകയും രണ്ട് പശുക്കള്‍ക്ക് പരുക്കേല്‍ക്കുകയും ചെയ്തു. കൈതക്കല്‍ രാജീവന്‍, വൃന്ദാവനത്തില്‍ ത്യാഗരാജന്‍ എന്നിവരുടെ പശുക്കളാണ് ചത്തത്.
ഇതില്‍ രാജീവന്റെ മറ്റൊരു പശുവിന് ശരീരമാസകലം മുറിവേറ്റിട്ടുണ്ട്. ത്യാഗരാജന്റെ മറ്റൊരു പശുവിനെ കാണാതായിട്ടുമുണ്ട്. പുലി പശുവിനെ വനത്തിലേക്ക് ഓടിച്ച് കയറ്റിയിരുന്നു. അതിന് ശേഷമാണ് പശുവിനെ കാണാതായത്. കഴിഞ്ഞ ദിവസം രാവിലെ നാലോടെ രാജീവന്റെ തൊഴുത്തിലെ പശുവിനെയാണ് ആദ്യം പുലി അക്രമിച്ചത്. വീട്ടുകാര്‍ ഒച്ചവെച്ചതോടെ പുലി ഓടി മാഞ്ഞു. രാത്രിയോടെ പുലി വീണ്ടും വരികയായിരുന്നു. പുലി ഇറങ്ങുന്നത് പതിവായതോടെ പ്രദേശ വാസികള്‍ ഭീതിയിലാണ്.