കൂത്താട്ടുകുളം : കാക്കൂരിന്റെ ഗ്രാമീണ ഭംഗിയും കലാലയ കാഴ്ചകളും തനിമ ചോരാതെ ക്യാന്‍വാസിലേക്ക് പകര്‍ത്തിയ ആശിഷും അഭിഷേകും നടത്തിയ ചിത്രപ്രദര്‍ശനം ശ്രദ്ധേയമായി. കാക്കൂര്‍ ഗ്രാമീണ വായനശാലയാണ് അവധിക്കാല ചിത്രരചന ക്ലാസുകളുടെ ഭാഗമായി ചിത്ര പ്രദര്‍ശനം സംഘടിപ്പിച്ചത്. കടയിരിപ്പ് ശ്രീ നാരായണ കോളജിലെ എഞ്ചിനിയറിങ് വിദ്യാര്‍ഥിയും വായനശാലയിലെ ചിത്രകലാ അധ്യാപകനുമാണ് ആശിഷ് മത്തായി. സൗന്ദര്യ സങ്കല്‍പ്പത്തില്‍ ഓയില്‍ കളറിലും വാട്ടര്‍ കളറിലും ചെയ്ത അമ്പതോളം ചിത്രങ്ങളാണ് പ്രദര്‍ശനത്തിനു വച്ചത്. കാക്കൂരിലെ ഗ്രാമീണ കാഴ്ചകളും കൃഷിയുമാണ് തിരുമാറാടി ഗവ വി.എച്ച് എസിലെ എട്ടാം ക്ലാസുകാരനായ അഭിഷേക് ജോണ്‍ മാത്യുവിന്റെ നൂറിലേറെ ചിത്രങ്ങളുടെ വിഷയം.
കാര്‍ട്ടൂണിസ്റ്റ് ഏലിയാസ് ജോണ്‍ ചിത്രപ്രദര്‍ശനം ഉദ്ഘാടനം ചെയ്തു. വായനശാല പ്രസിഡന്റ് കെ.പി അനീഷ് കുമാര്‍ അധ്യക്ഷനായി. പഞ്ചായത്ത് അംഗം സ്മിത ബൈജു, സെക്രട്ടറി വര്‍ഗീസ് മാണി, വി .കെ.ശശിധരന്‍, ഹരീഷ് ആര്‍ നമ്പൂതിരിപ്പാട്, സുനില്‍ കള്ളാട്ടുകുഴി, സി.സി.' ശിവന്‍കുട്ടി ,എം. എന്‍ മനോജ്, പി.കെ.പ്രസാദ് എന്നിവര്‍ സംസാരിച്ചു.