തൊടുപുഴ: മണിപ്പൂരിന്റെ ഉരുക്കുവനിത ഇറോം ശര്‍മിള ചൊവ്വാഴ്ച വാഗമണ്ണിലെത്തും. ചൊവ്വ,ബുധന്‍, വ്യാഴം ദിവസങ്ങളില്‍ നടക്കുന്ന സംസ്ഥാന യുവജനക്ഷേമ ബോര്‍ഡിന്റെ വനിത ശില്‍പശാലയുടെ ഉദ്ഘാടനത്തിനാണ് ഇവര്‍ എത്തുന്നത്. മൃഗസംരക്ഷണ വകുപ്പ് പരിശീലന കേന്ദ്രത്തിലെ ഓപ്പണ്‍ സ്റ്റേഡിയത്തിലാണ് പരിപാടി.
വനിതകളുടെ ശാക്തീകരണം ലക്ഷ്യമിട്ടാണ് ശില്‍പശാല സംഘടിപ്പിക്കുന്നത്. ജില്ലാതല ശില്‍പശാലകളില്‍ നിന്ന് തെരഞ്ഞെടുത്ത ഇരുനൂറോളം പേര്‍ പങ്കെടുക്കും. ഉച്ചയ്ക്ക് മൂന്നിന് ഉദ്ഘാടന സമ്മേളനത്തില്‍ യുവജനക്ഷേമ ബോര്‍ഡ് വൈസ് ചെയര്‍മാന്‍ പി.ബിജു അധ്യക്ഷനാകും. അഡ്വ.ജോയ്‌സ് ജോര്‍ജ് എം.പി മുഖ്യാതിഥിയാവും.