ജിദ്ദ: വാഹനത്തിനുളളിലിട്ട് ആഫ്രിക്കക്കാരനായ യുവാവിനെ തല്ലിയ മുപ്പതുകാരനായ സ്വദേശിയെ പൊലിസ് അറസ്റ്റ് ചെയ്തു. മര്‍ദ്ദനത്തിന്റെ ദൃശ്യങ്ങള്‍ പകര്‍ത്തുകയും ഇത് സാമൂഹ്യ മാധ്യമങ്ങളില്‍ പോസ്റ്റ് ചെയത് വൈറലാകുകയും ചെയ്തതോടെയാണ് പൊലിസ് നടപടി.

തന്നെ വിലങ്ങണിയിച്ച് ഒരു ജീപ്പിലേക്ക് തളളുകയും പിന്നീട് മര്‍ദ്ദിക്കുകയുമായിരുന്നെന്ന് ആഫ്രിക്കക്കാരനായ യുവാവ് പറഞ്ഞു. ഇയാള്‍ രാജ്യത്തെ അനധികൃത താമസക്കാരനാണെന്നും പൊലിസ് വ്യക്തമാക്കി. വീസാ കാലാവധി കഴിഞ്ഞും രാജ്യത്ത് തങ്ങുന്നവരാണ് കുറ്റകൃത്യങ്ങളില്‍ ഏര്‍പ്പെടുന്നതിലേറെയെന്നും പൊലിസ് വ്യക്തമാക്കി. എല്ലാവരും നിയമപരമായ രേഖകള്‍ കൈയ്യില്‍ കരുതണമെന്നും തൊഴില്‍ വീസ കാലാവധി അവസാനിച്ചാലുടന്‍ രാജ്യം വിടണമെന്നും അധികൃതര്‍ നിര്‍ദേശിച്ചിട്ടുണ്ട്.