ചെങ്ങന്നൂര്‍: മേല്‍ക്കൂര പൊളിച്ച് സ്വര്‍ണ്ണക്കടയില്‍ നിന്നും സ്വര്‍ണം കവര്‍ച്ച ചെയ്യാന്‍ ശ്രമിച്ച പ്രതിയെ പൊലിസ് കസ്റ്റഡിയില്‍ വാങ്ങി തെളിവെടുപ്പ് നടത്തി ജര്‍ക്കണ്ട് സ്വദേശി ഇക്രാം ഉള്‍ ഷേക്ക് (42) നെയാണ് ചെങ്ങന്നൂര്‍ പൊലിസ് കസ്റ്റഡിയില്‍ വാങ്ങിയത്.
ചാലക്കുടി പൊലിസ് മറ്റൊരു കേസില്‍ അറസ്റ്റു ചെയ്തിരുന്ന ഇയാളെ ചോദ്യം ചെയ്യുന്നതിനിടെ ചെങ്ങന്നുരിലെ പുളിമൂട്ടില്‍ ജുവലറിയുടെ മേല്‍ക്കുര പൊളിച്ച് മോഷണശ്രമം നടത്തിയ വിവരം വെളിപ്പെടുത്തുകയായിരുന്നു. അഞ്ച് കിലോയോളം സ്വര്‍ണ്ണം സൂക്ഷിച്ചിരുന്ന ലോക്കര്‍ പൊളിക്കാനാണ് ഇയാള്‍ ശ്രമം നടത്തിയത്.എന്നാല്‍ ശ്രമം വിഫലമായെങ്കിലും കടയില്‍ സ്ഥാപിച്ചിരുന്ന നിരീക്ഷണ ക്യാമറയില്‍ ഇയാളുടെ ചിത്രം പതിഞ്ഞിരുന്നു .
ചാലക്കുടിയിലെ ജൂവലറിയില്‍ 12 കി. സ്വര്‍ണ്ണം മോഷ്ടിച്ച കേസില്‍ ആണ് അവിടെ ഇയാളെ അറസ്റ്റ് ചെയ്തിരുന്നത് .ചെങ്ങന്നുര്‍ സി.ഐ ദിലീപ് ഖാന്റെ നേതൃത്വത്തിലാണ് ചാലക്കുടിയില്‍ നിന്നും കസ്റ്റഡിയില്‍ വാങ്ങി ചെങ്ങന്നൂരില്‍ എത്തിച്ചത്.തുടര്‍ന്ന് തെളിവെളിപ്പും ചോദ്യം ചെയ്യലിനും ശേഷം ഇയാളെ കോടതിയില്‍ ഹജരാക്കി റിമാന്റ് ചെയ്തു.