മലപ്പുറം: താനൂരില്‍ അക്രമം നടന്ന പ്രദേശം ഇന്ന് സമസ്ത കേരള ജംഇയ്യത്തുല്‍ ഉലമ നേതാക്കള്‍ സന്ദര്‍ശിക്കും. കാലത്ത് 10ന് സമസ്ത പ്രസിഡന്റ് സയ്യിദ് മുഹമ്മദ് ജിഫ് രി മുത്തുക്കോയ തങ്ങളുടെ നേതൃത്വത്തിലുള്ള സംഘം അക്രമത്തില്‍ തകര്‍ന്ന വീടുകളും മറ്റും സന്ദര്‍ശിച്ച് സ്ഥിതി ഗതികള്‍ വിലയിരുത്തും. സമസ്തയുടെയും കീഴ്ഘടകങ്ങളുടെയും നേതാക്കള്‍ അനുഗമിക്കും. എസ്.വൈ.എസ് ജില്ലാ പ്രവര്‍ത്തക സമിതി അംഗങ്ങള്‍ പങ്കെടുക്കണമെന്ന് എസ്.വൈ.എസ് ജില്ലാ ജനറല്‍ സെക്രട്ടറി അബ്ദുസ്സമദ് പൂക്കോട്ടൂര്‍ അറിയിച്ചു.