തലശ്ശേരി: വീട്ടില്‍ അതിക്രമിച്ചുകടന്ന യുവാവ് ബിയര്‍ കുപ്പി കൊണ്ട് കുത്തിപ്പരുക്കേല്‍പ്പിച്ചു. മട്ടന്നൂര്‍ മരുതായി സ്വദേശിയും തലശ്ശേരി തിരുവങ്ങാട് താമസക്കാരനുമായ ജിതേന്ദ്രനാഥി(31)നാണു പരുക്കേറ്റത്.
ഇന്നല രാത്രി 7.30 മണിയോടെ തിരുവങ്ങാട്ടെ വീട്ടില്‍വച്ചാണ് സംഭവം നടന്നത്. ഷബീറെന്ന യുവാവാണു കുത്തിപ്പരുക്കേല്‍പ്പിച്ചതെന്ന് ജിതേന്ദ്രനാഥ് പരാതിപ്പെട്ടു.
കൈക്ക് ആഴത്തില്‍ മുറിവേറ്റ ജിതേന്ദ്രനാഥിനെ  തലശ്ശേരി ഇന്ദിരാഗാന്ധി സഹകരണ ആശുപത്രിയില്‍ പ്രവേശിപ്പിച്ചു.
സംഭവത്തില്‍ ടൗണ്‍ പൊലിസ് കേസെടുത്തു.