ദേശമംഗലം: മലയാള തിളക്കം പരിപാടിയില്‍ ദേശമംഗലം തലശ്ശേരി എ.എല്‍.പി സ്‌ക്കൂളിന് പുരസ്‌കാരം.
സ്‌കൂളിന്റെ 38ാം വാര്‍ഷിക വേളയില്‍ ലഭിച്ച പുരസ്‌കാരം വിദ്യാര്‍ഥികള്‍ക്കും അധ്യാപകര്‍ക്കും ഇരട്ടിമധുരമായി. വാര്‍ഷികാഘോഷവും എല്‍.സി.ഡി പ്രൊജക്ടറിന്റെ ഉദ്ഘാടനവും ചേലക്കര എം.എല്‍.എ യു.ആര്‍ പ്രദീപ് നിര്‍വഹിച്ചു. ദേശമംഗലം പഞ്ചായത്ത് പ്രസിഡണ്ട് എം മഞ്ജുള അധ്യക്ഷനായി. ബ്ലോക്ക് മെമ്പര്‍ ശാലിനി വിനോദ് പ്രൊജക്ടിന്റെ സ്വിച്ച് ഓണ്‍ കര്‍മം നിര്‍വഹിച്ചു.
കേരള സംഗീത നാടക അക്കാദമി മെമ്പര്‍ ശ്രീജ ആറങ്ങോട്ടുകര, പഞ്ചായത്ത് മെമ്പര്‍മാരായ നിഷ, റസാഖ് മോന്‍, മാനേജര്‍ ഏന്തീന്‍ കുട്ടി, അബ്ദുല്‍ റഷീദ്, എം പ്രീത, ഐഷ, ഗീത, രോഷ്‌നി, ഇബ്രാഹിം, മാസ്റ്റര്‍ അശ്വിന്‍ കൃഷ്ണ പി.ടി.എ പ്രസിഡണ്ട് എം.എസ് പ്രകാശന്‍ സംസാരിച്ചു.